Цэнтралізаваная клубная сістэма
Хоцімскага раёна

    Народны мужчынскі вакальны ансамбль "Хлопцы Пасялковыя" быў створаны ў лютым 2013 года на базе Хоцімскага Раённага Цэнтра Культуры.
   Юнакоў у калектыве трое: «Валерый Жадан — гармонік ды баян, Дзяніс Шалганаў — кароль барабанаў, Нікульчанка Віталь — нямае рыфмы, як на жаль», — жартам кажуць аб сабе сябе хлопцы. Насамрэч Віталь па-майстэрску іграе на бубне, а разам яны выконваюць як беларускія і рускія народныя песні, так і эстрадныя.
Вакальны ансамбль "Хлопцы Пасялковыя" актыўна прапагандуе беларускую народную песню. Рэпертуар калектыва разнастайны і ўвесь час абнаўляецца. Гэта народныя беларускія і рускія песні, апрацоўкі, эстрадныя, аўтарскія песні. Калектыў актыўна ўдзельнічае ў абласных, раённых, а таксама ў міжнародных фестывалях і святах.
   Галоўнай задачай калектыва з'яўляецца папулярызацыя і прапаганда беларускай народнай песні, як аднаго з найбагацейшых пластоў нацыянальнай культуры.
   Калектыў адрозніваецца сваім непаўторным почаркам, імкненнем да новай арыгінальнай трактоўкі выканання музычнага матэрыялу, беражліва захоўвае лепшыя традыцыі беларускай музычнай спадчыны, якая ўзбагачае змест канцэртных праграм, дапамагае заставацца верным духу народнай творчасці.
    Нацыянальны каларыт, шчырасць і беларускі тэмперамент, гумар - гэта ўсё знаходзіць адлюстраванне ў канцэртных праграмах мужчынскага вакальнага ансамбля "Хлопцы Пасялковыя".
   Мужчынскі вакальны ансамбль "Хлопцы Пасялковыя" - гэта сапраўдны, самабытны калектыў, які карыстаецца папулярнасцю сярод усіх жыхароў Хоцімскага раёна.