Search

Артысты аўтаклуба павіншавалі з намалотам і падарылі добры настрой першым «тысячнікам» Хоцімшчыны


На палях нашай краіны ўборачная гарачая пара ў самым разгары. У засекі Радзімы сабрана ўжо больш за 6 мільёнаў тон збожжа. Сваю малую частку ў жытніцу Беларусі ўносіць і Хоцімскі раён. Першымі сваю першую тысячу тон 18 жніўня намалацілі камбайнеры ААТ «Бабулін падворак» - сямейны экіпаж у складзе Папраўка Аляксандра Іванавіча і Папраўка Іллі Аляксандравіча, а таксама моладзевы экіпаж у складзе Глуханько Канстанціна Віктаравіча і Крузмеера Аляксандра Аляксандравіча.

Для віншавання "тысячнікаў" з гэтай знамянальнай падзеяй выехалі ў поле работнікі Хоцімскага аўтаклуба. Пасля ўручэння падзяк райвыканкама і каштоўных падарункаў старшынёй райкама прафсаюза работнікаў аграпрамысловага комплексу Карпянковым М.А. артысты аўтаклуба павіншавалі з намалотам і падарылі добры настрой першым «тысячнікам» Хоцімшчыны.

Сяргей Кавалёў, метадыст ДУК "Цэнтралізаваная клубная сістэма Хоцімскага раёна"


8 views0 comments