Search

Магілёўскі Міжнародны форум не абыйшоўся без удзелу дэлегацыі Хоцімскага раёна


У Магілёве 20 мая завяршыўся VII Міжнародны форум «Традыцыйная культура як стратэгічны рэсурс устойлівага развіцця грамадства». Даннае мерапрыемства збірае больш за дзесяць гадоў у Магілёўскім абласным цэнтры народнага творчасці і культурна-асветнай працы вядучых культуролагаў, мастацтвазнаўцаў, этнографаў і фалькларыстаў Рэспублікі Беларусь, бліжняга і далёкага зарубежжа. На працягу пяці дзён з 16 па 20 мая прадстаўнікі дзевяці краін (Беларусь, Арменія, Кітай, Расія, Узбекистан, Азербайджан, Казахстан, Кыргызстан і Туркменістан) абмяняліся накопленным вопытам і адкрывалі для сябе мясцовую культуру рэгіёнаў Магілёва. Менавіта гэтай тэматыцы, захаванне і развіццё мясцовага фальклору, была прысвечана навукова-практычная канферэнцыя ў рамках культурнага форуму «Традыцыйная культура і фальклорная спадчына ў сучаснай культурнай прасторы».

Трэба адзначыць, што не адзін Магілёўскі Міжнародны форум, пачынаючы з самага першага, не абыйшоўся без удзелу дэлегацый Хоцімскага раёна. Далёка не кожны рэгіён можа пахваліцца падобнай увагай з бакоў міжнароднай навуковай эліты. На працягу ўсяго форума ў складзе дэлегацый дырэктараў устаноў культуры Магілёўскай вобласці Хоцімскі раённы цэнтр культуры прадстаўляла дырэктар Алена Прошкіна. Ва ўрачыстым адкрыцці прынялі ўдзел адразу некалькі хоцімских народных калектываў. Народны тэатральны калектыў «Прамень» і народны фальклорны ансамбль «Адраджэнне» прадэманстравалі замежным гасцям ў рамках тэатралізаванага прадстаўлення фрагменты народных абрадаў «Ручнік як шлях жыцця» з выкананнем аўтэнтычных абрадавых песень. У выставе майстроў народнай творчасці Магілёўшчыны былі прадстаўлены вырабы – ручнікі і паясы майстра Хоцімскага раённага дома рамёстваў, народнага майстра Беларусі Таццяны Кавалёвай. Народнае вакальнае трыа «Хлопцы пасялковыя» сталі ўдзельнікамі святочнага канцэрта «Млечны шлях – ад продкаў да нашчадкаў», Валянціна Сухадолава прадстаўляла Хоцімскі раён у асобнай праграме як гарманіст.
Як было адзначана вышэй, не кожны рэгіён Магілеўшчыны мае магчымасць так шырока прадстаўляць сваю мясцовую культуру на высокім узроўні. І адной з прычын гэтага можна назваць вопыт работы артыстаў і калектываў Хоцімскага раёна на фестывальных і канцэртных пляцоўках рознага ўзроўню ў бліжэйшым зарубежжы. Адносна невялікі перарыў у гастрольнай дзейнасці, звязаны з каранавіруснымі абмежаваннямі, скончыўся, а артысты раённага цэнтра культуры і сельскіх дамоў культуры зноў асвойваюць сцэны бліжэйшых населеных пунктаў Бранскай і Смаленскай вобласці Расійскай Федэрацыі. Жыхары невялікіх расійскіх вёсак з радасцю сустракаюць беларусаў. Паступова выходзяць нашы артысты і на ўзровень санаторыяў і дамоў адпачынку. Я ў завяршэнні хачу расказаць цікавы выпадак, які адбыўся зусім нядаўна ў вёсцы Ягораўка Ершычскага раёна Смаленскай вобласці. С канцэртнай праграмай у гэтую вёску прыехаў калектыў Іваноўскага сельскага Дома культуры. Віталій Нікульчанка выканаў са сцэне песню «Трава у дома». Вядомы шлягер, неафіцыйны гімн касманаўтыкі, ўжо даўно ўваходзіць у рэпертуар артыста. Пасля выканання песні адзін з гледачоў пакінуў зал. Крыху пазней мужчына вярнуўся з пакетам з характэрнай эмблемай. Уладзімір, так звалі гледача з Ягораўкі, аказаўся дзеючым супрацоўнікам Федэрацыі касманаўтыкі Расіі. Прыехаў у адпачынак да сваякоў. Яго так уразіла выкананне названай вышэй песні, што ён вырашыў зрабіць Віталію Нікульчанку падарунак. Я на сцэне ўручыў выканаўцу незвычайны сувенір – башкірскі мед ў спецыяльнай упакоўцы (як кажуць, «у цюбиках»), які выкарыстоўваюць касманаўты на арбіце ў час палётаў. «Касмічны мед» — гэта самая незвычайная ўзнагарода, якую калі-небудзь атрымліваў Віталій.
Кожны канцэрт – гэта асобная гісторыя. Ніколі не ведаеш, чым яна скончыцца. І таму артысты Хоцімскага раёна ніколі не робяць розніцы паміж выступленнямі на вялікіх міжнародных сцэнічных пляцоўках і канцэртамі ў невялікіх клубах.

Аляксандр АЛЕКСАНДРЫН
3 views0 comments