Search

Майстры Хоцімскага раённага Дома рамёстваў прынялі ўдзел у фестывалі-кірмашы "Вясновы букет"


28 мая 2022 года на тэрыторыі Верхняга горада ў Мінску прайшлі мерапрыемствы ХІІІ Рэспубліканскага фестывалю-кірмашу народных мастацкіх рамёстваў "Вясновы букет".

У фестывалі-кірмашы прынялі ўдзел творчыя дэлегацыі ўсіх абласцей і г.Мінска, больш за 350 майстроў народных мастацкіх рамёстваў. Таксама прынялі ўдзел майстры Хоцімскага раённага Дома рамёстваў Таццяна Іванаўна Кавалёва і Таццяна Мікіцічна Наумава.
На пляцоўках праходзілі конкурсы па розных відах рамёстваў: салома- і лозапляценне, ткацтва, вышыўка, ганчарства, кавальства, разьба па дрэве, роспіс па шкле, карункапляценне, выцінанка, мастацкая апрацоўка скуры, дрэва і іншыя. Майстры прыехалі не з пустымі рукамі: Таццяна Кавалёва ўзнагароджана дыпломам (1 месца) і грашовай прэміяй, Таццяна Наумава ўзнагароджана дыпломам за ўдзел.
Конкурс прайшоў на высокім арганізацыйным узроўні. Майстры вярнуліся дадому з добрымі ўражаннямі і зарадам энергіі на новыя творчыя задумы.

Марыя Джавукцян, дырэктар Хоцімскага раённага Дома рамёстваў



10 views0 comments