Раённы Дом рамёстваў наведалі навучэнцы 10 класа СШ 1 г.п. Хоцімска

21 верасня 2022 года, раённы Дом рамёстваў наведалі навучэнцы 10 класа СШ№1 г.п.Хоцімска. Для іх майстар-клас па ткацтве "Адраджэнне ткацтва на зямлі беларускай" правяла Таццяна Іванаўна Кавалёва, майстар па ткацтве, Член Беларускага саюза майстроў народнай творчасці, Народны майстар Рэспублікі Беларусь.

Таццяна Іванаўна пачала гутарку з таго, што расказала дзецям як, адкуль і якім чынам развівалася ткацтва. Яна задавала пытанні, такія як: "Ці бачылі яны ткацкія станкі?", "У каго бабуля ткала?", "Ці спрабавалі яны самі ткаць?", тым самым майстар актыўна залучыла ўсіх у гутарку. Таксама расказала, якім попытам карыстаюцца тканыя вырабы не толькі ў нашых краях, але і за мяжой.

У сваю чаргу дзеці цікавіліся ў Таццяны Іванаўны: "Як Вы прыйшлі да таго, каб пачаць займацца адраджэннем ткацтва?", "Колькі гадоў Вы працуеце ў Доме рамёстваў?", "Якія ўзнагароды ў Вас ёсць?".

Таццяна Іванаўна адказвала на пытанні. Затым майстар паказала, з чаго складаецца ткацкі станок, як нацягваюцца ніты, як робіцца ўзор.

Рабяты і самі з вялікім задавальненнем паспрабавалі сябе ў ролі ткачоў, тым самым адзначылі, што гэта вельмі карпатлівая праца.

Майстар-клас прайшоў прадуктыўны і цікавы ў лёгкім і цёплым становішчы.

Калі Вы жадаеце пачуць адказы на вышэйзгаданыя пытанні і задаць свае пытанні майстру, сардэчна запрашаем у раённы Дом рамёстваў.

Наш нумар тэлефона для сувязі 802247 78937,

электронны адрас dom_remesel_hotimsk@mail.ru