Search

У Хоцімску прайшлі мерапрыемствы, прысвечаныя Дню працы


1 мая хацімчане разам з астатнімі рэгіёнамі нашай краіны пры неад'емным удзеле работнікаў культуры святкавалі Дзень працы. Урачыстыя мерапрыемствы пачаліся на галоўнай плошчы гарадскога пасёлка з цырымоніі ўручэння сертыфікатаў аб занясенні на раённую Дошку Гонару па выніках працы за 2021 год. Потым работнікі раённага цэнтра культуры правялі раённую патрыятычную акцыю "Голуб міра" з удзелам прадстаўнікоў арганізацый раёна.

Святочная праграма была працягнута ў гарадскім парку культуры і адпачынку. Увазе гледачоў была прадстаўлена праграма калектыўнай творчасці "Хоцімшчына таленавітая", артыстамі і выканаўцамі якой сталі работнікі арганізацый і ўстаноў Хоцімшчыны.
Народныя калектывы ўстаноў культуры парадавалі ўсіх прысутных новымі канцэртнымі нумарамі, а таксама тымі, якія ўжо палюбіліся гледачам, у пргаграме "Галасы зямлі Хоцімскай".
У парку культуры і адпачынку быў арганізаваны святочны гандаль, выставы-продажы майстроў раённага Дома рамёстваў, работа спартыўнай пляцоўкі, атракцыёнаў, дзіцячай і маладзёжнай гульнявой танцавальнай пляцоўкі, фотазоны "Квітнеючы май" і шмат чаго іншага. Завяршыліся першамайскія мерапрыемствы святочнай дыскатэкай "ШАНС".
Відэа са святочных мерапрыемстваў можна паглядзець ТУТ

Сяргей Кавалёў, метадыст РЦК ДУК "Цэнтралізаваная клубная сістэма Хоцімскага раёна"


10 views0 comments