І спектакль, і канцэрт - два ў адным

Калектыў раённага Цэнтра культуры працягвае радаваць хоцімчан канцэртнымі праграмамі, знаходзячы і выкарыстоўваючы новыя формы правядзення і афармлення. Кожнае чарговае мерапрыемства (а можна, не баючыся гучных слоў, сказаць "шоу") культработнікі імкнуцца зрабіць непадобным на папярэднія. Не баяцца змешваць жанры і звяртаюцца да самай рознай тэматыкі.

15 красавіка гэтага года адбылася прэм'ера канцэртнай праграмы, падрыхтаванай па любімых песнях з рэпертуару вядомага расійскага ансамбля "Залатое кальцо". Адразу трэба адзначыць, што канцэртам у чыстым выглядзе дадзенае шоў назваць не атрымаецца. З аднаго боку праграма пад назвай “Всё уже когда-то было…” гэта трыб'ют. Бо салісты РЦК выконвалі свае версіі (каверы) песень кампазітара Аляксандра Касцюка, а таксама народных песень, якія ўваходзяць у рэпертуар ансамбля "Залатое кальцо". А з іншага боку, музычная канва была шчыльна пераплецена з драматычнай асновай.

Народны тэатральны калектыў “Прамень”, выкарыстоўваючы тэматыку песень, прадставіў паўнацэнны невялікі спектакль “Залатое кальцо”, ператварыўшы канферанс у самастойны асобны твор. Такім чынам, гледачы, якія прыйшлі ў той вечар па сутнасці сваёй за адзін білет, паглядзелі адразу два шоу - і канцэрт, і камедыйную пастаноўку. Калі хто з чытачоў заблытаўся ў тэрміналогіі, але захацеў убачыць усё на свае вочы - сардэчна запрашаем паглядзець відэаверсію канцэртнай праграмы на нашым канале youtube ТУТ.

А.А.АЛЯКСАНДРЫН, метадыст РЦК ДУК «Цэнтралізаваная клубная сістэма Хоцімскага раёна»